ബെംഗളൂരു:പ്രധാനമന്ത്രി നരേന്ദ്രമോദി രണ്ട് ദിവസത്തെ സന്ദർശനത്തിനായി ജനുവരി രണ്ടിന് കർണാടകത്തിലെത്തും.
രണ്ടിന് തുമക്കൂരു സിദ്ധഗംഗ മഠം സന്ദർശിച്ചതിന് ശേഷം തുമക്കൂരു ജൂനിയർ കോളേജ് ഗ്രൗണ്ടിൽ നടക്കുന്ന കർഷക സമ്മേളനത്തിൽ പങ്കെടുക്കും. വൈകുന്നേരം ബെംഗളൂരുവിലെ ഡി.ആർ. ഡി. ഒ. സന്ദർശിക്കും.
രാത്രി രാജ് ഭവനിൽ താമസിക്കുന്ന പ്രാധനമന്ത്രി മൂന്നിന് കാർഷിക സർവകലാശാലയിൽ നടക്കുന്ന ഇന്ത്യൻ സയൻസ് കോൺഗ്രസിൽ പങ്കെടുക്കും. വൈകുന്നേരം ഡൽഹിക്ക് തിരിച്ചു പോകും. ഏഴിന് നടക്കുന്ന ഇന്ത്യൻ സയൻസ് കോൺഗ്രസ് സമാപന സമ്മേളനത്തിൽ ഉപരാഷ്ട്രപതി വെങ്കയ്യ നായിഡു പങ്കെടുക്കും.
